Jetzt Community-Mitglied werden und profitieren!
Fusel, Spiel und Freiheit
  • Blog
  • Literatur-Blog
Der Hang zum Alkohol     (Bild: zvg. Pablo Haller)

Pablo Haller Fusel, Spiel und Freiheit

5 min Lesezeit 05.06.2016, 09:36 Uhr

«Welli farb hed lärm?». Literarisch und «Schwiizerdütsch» erzählt Pablo Haller von den Versprechen des Alkohols, dem Sinn des Spieles und von lärmigen Angelegenheiten.

alk & autor 

wär liid em donkle näscht i chüele weckel
& wott schtärbe

wär tankt fusel
facklet sini hütte ab met müüs ond manuskript

wär suft sech is früeche
nasse grab
wär, wär, wäreliwär?

wär liit em gras ond luegt zwe mönd a
mete fläsche em arm statt der, bebe
rum esch för pirate, ha dänkt sig eine gse
alls hesch mer gno, alls, bebe

noch jedere fläsche
esch s läbe voll verspräche
& a jedem nöchschte morge
mässer ede auge, ede schlöfe
– ond e körper
blose us dönnem glas 

wär hed e läbere, gross wie ne roche?
wär esch iigleid, wär esch troche?
wär liid em donkle näscht i chüele weckel
ond wott schtärbe

do, chasch e pfuscht ha
be hässig
chomm mol do äne
geb mer füf schtotz 

& liecht saget dörs näbelbrätt
& dä katholisch seich am tag deno
& denno emmer weder, emmer meh
e chare brucht sprit, bebe, spirit

noch jedere fläsche
esch s läbe voll verspräche
ond a jedem nöchschte morge
mässer ede auge, ede schlöfe
– ond e körper
blose us dönnem glas

usblose s liecht
e letschte tödleche troscht
moscht bigoscht
e chare brucht moscht
sprit, bebe, sprit

läbigi wänd
wänd us fleisch – & löcher
wänd wo wabered
house of dolls / house of holes
wänd us fleisch
wo zettered
vibriert
sech entspannt ond zämezieht
wie ne tunnel oni nüt dehender
wie nes warms, saugmüetlechs & schtenkends grab
wänd us fleisch, weisch
därm wo sech lääred
outtacontrol 

es angschtwällebad
de sprit hed si d schissi dörabgläärt
chasch ned schnuufe, trousch ned z schnuufe
trousch ned ufschtoh, chasch ned ufschtoh
wänd us fleisch – zettered
schweiss, röchle, hin- ond härwärfe
hin- ond härgworfewärde
em angschwällebad 

wär liid em donkle näscht i chüele weckel
& wott schtärbe
wär tankt fusel
facklet sini hütte ab met müüs ond manuskript
wär suft sech is früeche
nasse grab?

the game is the game 

over & out
uus & verbi
das ischs gsi
danke
ade, merci, tschüss
för nüt

das esch kes schpel
das esch zvell

over & out
uus & verbi
das ischs gsi
danke
ade, merci, tschüss
för nüt 

mer hend dänkt mer länged üs
aber mer send zvell 

level one, level two, level three
level up! 

s esch zit zom spele
chomm cho chille
chomm cho spele
bes min glaube, mini chele
hau di dorne i rögge, yeah
bes alls ufgressse esch & voll bluet 

over & out
uus & verbi
das isch gsi
danke
ade, merci, tschüss
för nüt 

das esch kes schpel
das esch zvell
zieh d dorne i
wie ne salbi, e heilendi salbi
heiland am waldrand 

bes min glaube mini chele
chomm cho spele
bes alls verresse esch & wüetig 

highlevel, lowlevel, equalleval
level up! 

bes parat / allzeit bereit
wie ne füürwermah
rötsch mer d stangenab
is schlangegrab 

egal wie abegfeggt ech be
wie verblose dass mi hed
mi pris esch z höch
för dech 

randale fatale
randale passionale 

es gohd om s spel – wies du machsch
es gohd om kontrolle – öb sie hesch
es gohd om scholde – äbe gsesch?!
es gohd om schmärz – wie ne ushalte chasch
es gohd om flamme – wo ned lösche wotsch
es gohd om bränd om hüser, höf ond dörfer
es gohd om chrieg ond alls wos drisuugt i das schwarze loch

& doch:
mer hend dänkt mer länged üs
aber mer send zvell 

over & out
uus & verbi
das ischs gsi
danke
ade, merci, tschüss
för nüd

muess luut si 

play it fucking loud!!!

welli farb hed lärm?
weiss es!
welli farb hed lärm?
wiss! 

wenns härz truurig esch
schlüfts of die ander siite öbere
dass cha stärbe 

zvell luut & z vell liecht
dini auge reflektiered es füür
henter mer 

brönnendi autos
chörzleche crash
bumbum, quietsch & quatsch 

zvell luut & z vell liecht
dini auge reflektiered es füür
henter mer 

d sonne taschted sech schüch
öber die neue liiiche
die tote chäre
bumbum, quietsch ond quatsch 

minute spöter semmer helde
för sekondebrochteil
ond d sonne taschtet sech schüch
öber die neue liiche
di tote chäre 

die alt wält esch verschwonde
– mach die farb wäg
ech wott s schwarzwiss zrogg

die nöi wält hett sech goh loh
sie esch z fett ond z domm
hey du!  ja, du! … halt a, cher om! 

zvell luut & z vell liecht
dini auge reflektiered e wält
henter mer 

e chli bluet, aber ke zwifel
e chli wuet, aber nie z vell

schwig dech frei 

welli farb hed rueh?

welli farb hed rueh?
schwarz! 

schwarzi rueh / wisse lärm 

e chli bluet, aber ke zwifel
e chli wuet, aber nie z vell 

wär hortet de schotter?
wäm chocht s bluet? 

wenns härz truurig esch
schlüfts of die ander siite öbere
dass cha stärbe

… de ton esch wäg & s liecht esch us
dini auge reflektiered es füür
i mer

freiliechtmusig

mach d wolke wäg wie abziehbeldli
mach d sonne a wie nes nachtteschlämpli
s hoor verwoschet vo wend & schlof
geweckt vom tau 

chomm metmer cho bädele
chomm mettmer cho entdecke
chomm, chomm, chomm

chomm metmer cho lädele
chomm mettmer cho verstecke
chomm, chomm, chomm 

mach d wolke wäg wie abziehbeldli
mach d sonne a wie nes nachtteschlämpli
s esch morge ond d vögel möched e huere mais
– chom etz zwetscheremer eis 

offni loft & freii liebi
& jedi mängi
jedi mängi
ändlos, jo
so vell wie d wotsch
vo allm
well alltag
färn … so färn
wiit wäg 

s esch morge, (morge, morge, morge)
& d vögel pecked die früeche wörmer
besch ned peckt, ned ganz
du worm
– chom etz zwetscheremer eis 

go bädele, go lädele
entdecke, verstecke
weidli is wäldli go wäldle
chomm henter d hecke
henders büschli go schöttle
weidli go wäldle
go fäldmuuse, weldheue
verstecke, entdecke
go weldedere, ohni z roie 

offni loft & freii liebi
& jedi mängi
jedi mängi
ändlos, jo
so vell wie d wotsch
vo allm
well alltag
färn … so färn
wiit wäg 

erennerig
delete 

mach d wolke wäg wie abziehbeldli
mach d sonne a wie nes nachtteschlämpli
s esch morge ond d vögel möched e huere mais

War dieser Artikel nützlich für Dich?

Ja

Nein

In diesen Artikel haben wir viel Zeit investiert. Löse ein freiwilliges Abo und hilf uns, Artikel wie diesen auch in Zukunft anzubieten.

CHF

Deine Meinung ist gefragt!

Um kommentieren zu können, musst Du auf zentralplus eingeloggt sein. Bitte logge dich ein oder registriere dich jetzt und profitiere von den Vorteilen für z+ Community Mitglieder.

Deine Meinung ist gefragt!

0 Kommentare

Abonniere den Newsletter

Und erhalte unsere Post ganz nach Deinen Bedürfnissen und Wünschen: Täglich oder wöchentlich.